Saturday, May 13, 2006

No page with this title exists

"و على الأرض كانت الجثث و الأشلاء فى كل مكان,و بالذات حول المخابىء.سأشرح لك شيئا عن هذه المخابىء.كانت حفرا فى الأرض مغطاة و مبطنة بالأسمنت,و كانت تصلح الى حد ما ضد الغارات الجوية,لأنه ما لم تخترق القنبلة السقف مباشرة فان المخبأ يحمى من الشظايا,و لكن مع المدفعية الثقيلة التى كانت تدك البيوت و الأرض تحولت معظم هذه المخابىء الى مقابر لمن لجأوا اليها,و كانوا يتكدسون بالعشرات أطفالا و رجالا و نساء فى هذه المخابىء,رأيت واحدا منها و كان قد تحول الى بحيرة صغيرة تطفو فوقها رءوس و سيقان و أذرع و أستطعت أن أحصى من الجثث الطافية..."
دى شهادة حقيقية رواها بهاء طاهر فى روايته "الحب فى المنفى" عن المجزرة اللى حصلت يوم 16/5 /1983في مخيم عين الحلوة للاجئين الفلسطينيين...طبعا مفيش داعى أقول إن كالعادة الضحايا كانوا إحنا و"كالعادة" المجرمين كانوا إسرائيليين. حسيت بالغضب و القرف و الذل و المهانة لما قريت السطور دى فحسيت إن ابسط حق للابطال دول عليا إنى أعرف الظروف اللى ماتوا فيها...دخلت على ويكيبيديا أحاول ألاقى أى معلومات عن المدبحة...مفيش! طب أكتب "Ein ElHelwa","Ain AlHelwa","Ain Al-Helwa" أى هباب أزرق...مفيش! يا سلامNo page with this title exists"
و الله ما أنا عارفة ايه هى بالظبط اللى مش موجودة...المعلومات...و اللا البنى آدمين اللى عندهم شوية إحساس....الناس يموتوا بالمئات...بالآلاف..يموتوا خايفين..جعانين...عيانين...كلها كام سنة و ينساهم الضمير الميت.كلها كام سنة و يتحولوا لمجرد أرقام فى لستة عريضة...كلها كام سنة و تفتكرهم بالصدفة واحدة زيى و تكتب عليهم كام سطر...الفكرة إن أنا كنت عايزة أكتب عنهم من ساعت ما قريت الرواية بس كنت مشغولة بفستان حفلة التخرج...بالمناسبة,تفتكروا أعمله أحمر وللا دهبى...طب أدخل فيه لونين و اللا أخليه سادة؟طب و حاجيب فلوس الصندل منبن؟ مش عارفة أصلى محتارة أوى...المهم إنى أكتشفت فجأة إن خلاص ذكرى المذبحة بعد تلات أيام...قلت ما بدهاش بقى...أكتب عنها يمكن اللي يقرا الكلام ده يفتكر اللى حصل من 23 سنة و يعيط و اللا حاجة...

1 comment:

Anonymous said...

ya ya noha 2abl ma3al2 mn el zo2 2a2ol hi haha el mohem begad lamasteny mn gwa wana fahma enty to2sody eh fe kol kelma enty 2olteha w 7ata ely ma2oltehosh 2et2al bardo w fe nabret so7'rya fe kol ketabatek betshedeny w ra3'm en ba3daha subjective bas it is hidden under the superfacial objectivity ana bakalemek begad w 3andek talent fe 2e7'teyar el 3anawen keep it up w by the way ana 3amltelek approve fe el group beta3y w kaman 7'sast a page le el blogs beta3et el kesm l2eny 2o3gabt bemaghodkom awy awy w 7aset enoko zayey 3adokom 2a7lam w tomo7at w fe3ln 7aseto be7alawet el literature rabena yewafa2na ya rab be2ezn allah kolena w neb2a ely e7na 3awzeno ya rab w keep it up my dear w atmana 2a2ra ketabatek 3any fe el group
yala salam
Shiemy " Shaima'a "