هييييييييييييييييه
أنا فرحانة فرحانة فرحانة
المرتب زاد 45 جنيه بفضل علاوة مايو المجيدة
أنا ماصدقتش نفسييييييي ومش عارفة أعمل ايه ولا ايه؟
فكروا كده...اقترحوا...شوروا عليا
أتعلم السواقة؟
طب أجيب عدسات جديدة بدل نظري اللى بقى شيش بيش ده
ولا أشتري حاجات للجهاز؟
أجيب كم حلو ينفعني قدام ولا حاجة
لا لأ ده أنا لازم أحوش المبلغ ده لحد ما أتجوز بعد عشر سنين كده
45×12 = 540
540×10 = 5400
مالهم خمس آلاف جنيه زي الفل أبتدي بيهم حياتي؟
أشتري بيهم طقم الحلل وأقلب الرز بإيدي؟
تحيا العلاوة الحكومية
6 comments:
ههههههههههههههههه
اللي يشوف بلوة غيره تصعب عليه جنيه بلوته
اومال انا اعمل ايه اللي زدت
8 جنيه يعني ثمنية جنيهات فقط لا غير
انت فكرتيني باغنية ايو جريشة 145 هاعمل بيهم ايه ولا ايه
هما 145 يعني 145
هاروح الموول اعملي شوبينج و يمكن العب حبة بولينج
ههههههههههههه
ألف ألف مبروك... 45 جنيه حته واحده!! ايوه يا ستى ماشيه معاكى محدش قدك..
كويس بقى علشان تعرفى تتجوزى زى ما قلتى، وتشترى الفيلا اللى فى القاهره الجديده، والشاليه بتاع بورتو مارينا!!والعربيه اللى على الزيرو اخر موديل اللى نفسك فيها...
بس اوعى الكلام ده كله ينسيكى تدعى على الريس ..قصدى تدعى للريس!!
Foxamr,
8 جنيييييييه
ليه يا ابني كده؟
إنت أكيد طبيب :D
هما مفيش غيرهم
اشتغل برايفت يابني وريح دماغك
واحد من الناس،
اقتراحات هايلة، بس محتارة يا ابني باقوللك خمسة واربعين جنيه بحالهم, ده مبلغ كبير جداً ولازم أتصرف فيه بطريقة مدروسة
See, this is what you say and you are a girl. What if you are the man? You wanna buy a flat, furnish it, save up some money for the "shabka" (7asbeya Allah wa ne3ma el wakeel feeha) and at the same time be able to finance your daily expenses against your basic needs.
Welcome to Egypt!
Jimmy,
Loool
ما أنا عشان كده باقوللك إنى خلاص غيرت رأيي وشايفة إن السفر هو الحل الوحيد.
بس برضو مش ليا
أنا مش عارفة مصر دي مشربانا ايه عشان تخلينا نحبها رغم كل بلاويها؟
don't say mesharabana you should say meshamemana kolla
Post a Comment