صدر الحكم على عشرة ذئاب بشرية بالإعدام لاختطافهم امرأة واغتصابها بالتناوب، والحكم هو الأول من نوعه في تاريخ مصر (من حيث عدد المحكوم عليهم)
مبرووووك لكل البنات وكل الشرفاء والشريفات ولكل قاض من أصحاب الضمائر الحية في مصر
هو صحيح ظروف الجريمة غريبة شوية، أهل البلد شافوا المجرمين وهما بياخدوا الضحية من بيتها بس ماعرفوش يوقفوهم عشان كان معاهم أسلحة، مش عارفة، أنا متخيلة نفسي لو شفت حد في الموقف ده حنجده حتى لو اتقتلت، بس أكيد ده تخيل بس، أكيد في الواقع الخوف حيغلب عليا وده شئ طبيعي
دايماً بقول إن القضاء هو آخر أمل في البلد، وإنه لو عرف يرجع الحقوق لأصحابها بدون تمييز الدنيا حتبقى أحسن كتير، والحكم ده طمني جداً، القتل أقل حاجة الحيوانات دي تستاهلها، مش قادرة أتخيل الست دي دلوقتي حياتها عاملة إزاي؟؟؟ حتعيش إزاي بعد كده؟؟؟ فعلاً جريمة بتخلي الكلام يهرب من عقل الواحد، جريمة بتتكلم عن نفسها
تخيلوا لو كانت الست دي مابلغتش
كان الحيوانات دول حيكرروا جريمتهم إلى ما لا نهاية...
No comments:
Post a Comment