Wednesday, August 05, 2009

هي فوضى تاني؟

الحادثة دي ماينفعش تمر مرور الكرام.
الحادثة دي ليها معاني كتير قوي، معناها إن بلطجة الشرطة مستمرة وده معروف، لكن الجديد، والغريب، والرائع، إن الناس تثور وتغضب، إن الناس تقول كفاية كده وحقنا حناخده بإيدنا، إنهم يقولوا مدام القانون مش عادل ومبيقفش مع الغلابة يبقى الغلابة هما اللي ياخدوا حقهم بنفسهم.
المفروض إن احنا مانمشيش بقانون الغاب، وأنا بوجه عام بعارض مبدأ التار،لكن لما كل حاجة تبقى ماشية بالعكس، والناس ماشية على إيديها، مفيش حل تاني...وكيل النيابة في فيلم "هي فوضى؟" قالها كلمة "بلطجة ببلطجة"
لما الناس اللي المفروض يحمونا هما اللي بيقتلونا، يبقى ماينفعش نمشي ضد التيار ونقول حناخد حقنا بالقانون، الأمين ده كان لازم يموت بالطوب والصخر زي بالظبط ما السواق مات بنار حرقت جتته
يمكن لو كان قاتل ميرفت عبد الستار وجنينها أخد عقوبة أشد من سنة كان في كلام تاني
لكن لحد م يبقى فيه عدل، إحنا حنحققه بنفسنا

No comments: