Monday, December 03, 2007

عقربة قدام الحرية مول...احذروا وعوا

يوم السبت كنت خارجة من ايليت بتاع الايسكريم اللى قدام الحرية مول مع بنك بلوم ( دى غير البنك) و منال صاحبتنا وكان الرصيف اللى حوالين شريط المترو من الناحيتين متكسر و متدغدغ و مليان رمل و حفر و طوب, استغربت هما بيكسروه ليه و هوا كان زى الفل؟ يمكن كتر فلوس و فضا. داهية لا يكونوا ناويين يشيلوا المترو؟ ده متعتى المفضلة. المهم عدينا نص الشارع و جينا نعدى على الرمل, منال حطت رجلها و لسة انا حاحط رجلى لقيت عقربة مطرح ما كنت حادوس!!! أى و النعمة عقربة. وسط الناس ووسط الزحمة وأضواء المدينة. أنا صوتت و شديت منال بعيد... هى تقوللى يا بنتى جرادة أقوللها لأ عقربة, تمان رجلين من قدام طالع منهم ديل رفيع , و المصيبة كمان ان لونها كان لون الرمل. و كنت لسة شايفة فى جورج نسيم بتاع الدهب اللى فى الكوربة ساعة على شكل عقربة كبيرة قوى, ممكن يكون تمنها عشرين الف مثلا, عشان كده البوست ده كان المفروض يبقى فيلسوفى اشتراكى مشترك, بيوضح الفرق بين العقارب اللى فى المحلات اللى بآلاف الجنيهات و العقارب اللى فى الشارع اللى بتعض الناس.
أنا خفت عليكوا وقلت أقوللوكوا عشان تخلوا بالكوا لو ماشيين على رجليكوا هناك, لحسن تناموا بالليل تحلموا بعقارب بمبى زى ما جرى لى
:D

5 comments:

Anonymous said...

hi Noha, it is a funny story, thanks god that your friend Mnal not heart. have a nice day.

Sherif

KareemFromEgypt said...

i saw a scorpion on the streets before, made me wonder how many are in Cairo, and where did it come from...

the conspiracy theorist in me had a wild time with it :)
cuz scorpions don't just walk hundreds of kilometers from the desert to shop at horreya mall, someone brought them, perhaps they hitched a ride in a truck or something...

el mohem, thanks for the warning ;)

p.s meen el moghafal elly yeshtery sa3a 3ala shakl 3a2rab kebeer men 3and george nessim beta3 el dahab??? :)))

بحبها said...

والله كان نفسي اعزمك معايا لما كنت في الجيش.يا ستي العقارب في الجيش أكتر من الرمل نفسه لدرجة ان احنا كنا يوم الجمعة في الراحة بتاعتنا كنا بنعمل رحلات صيد عقارب وكان فيها كل الألوان اللي قلبك يحبها (ديفيليه

Wild at Heart said...

Sherif,
متشكرة و ابقى خللى بالك لما تيجى مصر من عقارب الحيوانات و عقارب البنى آدمين.

Kareem,
So it's an invasion ba2a! عايزين يطفشونا من البلد وللا ايه, برضو قاعدين على قلبهم
And as for the watch, believe it or not, it broke my heart, repulsive as it looked. There is something sinister yet captivating about animal shaped tools.

بحبها,
أنا فعلا رحت الجيش قبل كده مع بابا و أنا عندى تسع سنين. تقريبا كان الفوج تسعين فى صحراء السويس, بس اللى فاكراه عسكرى قاللى انه بيحبنى, و واحد تانى قاللى انه ماشافش ابنه بقى له تلات سنين.

Anonymous said...

i shall take care dear, have nice daay and mybe see u in cairo

Sherif