هو اللي حنعيده حنفضل نزيده لحد إمتى بس عشان أبقى عارفة
اتفضلوا:
"لمي نفسك يا بنت بلدي" للقضاء على التحرش الجنسي
ده آخر جروب على الفيسبوك للدفاع عن التحرش الجنسي
ما هو اللي يدخل يقول أي بنت لابسة بنطلون وكات تستاهل يبقى بيدافع عن التحرش
واللي يقول اللي لابسة محتشم ماحدش بيبصلها يبقى كداب
لإن في حاجة اسمها غض بصر
وفي حاجة اسمها النظرة الأولى لك والثانية عليك
وفي حاجة اسمها المسلم من سلم المسلمون من لسانه ويده
وفي حاجة اسمها من حسن إسلام المرء تركه ما لا يعنيه
إشمعنى حافطين الآيات بتاعت الحجاب صم ومش حافطين الأحاديث دي؟
ده على اعتبار يعني إنهم بيتكلموا من وجهة نظر دينية
لكنهم لو فاهمين التدين صح مش حيفكروا بالطريقة دي
معلش علم في المتبلم يصبح فاهم
نقول تاني؟
قولوا ورايا
كل واحد حر في لبسه وربنا هو اللي حيحاسب الناس
لبس البنت مش بيدل بالضرورة على تدينها أو أخلاقها
اللي بيبص للبنات أو يتحرش بيهم لفظيا أو ينتهك أعراضهم مجرم مجرم مجرم
وحنوديهم السجن واحد واحد إن شاء الله
كل البنات بتتعرض للتحرش بدون تمييز
اللي بيشوف بنت بتتعرض للتحرش ويسكت أحسن له يغير كلمة "ذكر" اللي في البطاقة
ها فهمنا ولا لسة؟
يا مسهل
اتفضلوا:
"لمي نفسك يا بنت بلدي" للقضاء على التحرش الجنسي
ده آخر جروب على الفيسبوك للدفاع عن التحرش الجنسي
ما هو اللي يدخل يقول أي بنت لابسة بنطلون وكات تستاهل يبقى بيدافع عن التحرش
واللي يقول اللي لابسة محتشم ماحدش بيبصلها يبقى كداب
لإن في حاجة اسمها غض بصر
وفي حاجة اسمها النظرة الأولى لك والثانية عليك
وفي حاجة اسمها المسلم من سلم المسلمون من لسانه ويده
وفي حاجة اسمها من حسن إسلام المرء تركه ما لا يعنيه
إشمعنى حافطين الآيات بتاعت الحجاب صم ومش حافطين الأحاديث دي؟
ده على اعتبار يعني إنهم بيتكلموا من وجهة نظر دينية
لكنهم لو فاهمين التدين صح مش حيفكروا بالطريقة دي
معلش علم في المتبلم يصبح فاهم
نقول تاني؟
قولوا ورايا
كل واحد حر في لبسه وربنا هو اللي حيحاسب الناس
لبس البنت مش بيدل بالضرورة على تدينها أو أخلاقها
اللي بيبص للبنات أو يتحرش بيهم لفظيا أو ينتهك أعراضهم مجرم مجرم مجرم
وحنوديهم السجن واحد واحد إن شاء الله
كل البنات بتتعرض للتحرش بدون تمييز
اللي بيشوف بنت بتتعرض للتحرش ويسكت أحسن له يغير كلمة "ذكر" اللي في البطاقة
ها فهمنا ولا لسة؟
يا مسهل
6 comments:
خلينا نكون واضحين
و بدون تعميم
فيه نوعين من البنات بنت ملفتة للنظر
و بنت عادي جدا اسلوب حياتها عادي برضو
و فيه 3 انواع من الولاد
نوع بيحب يستعبط و يستظرف
ونوع بيزيط في الزيطة
ونوع بيبص بس
البنت الملفتة للنظر سواء لابسة حجاب او بادي ضيق بتستفز الولاد و لا تبدي امتعاضا او اعتراضا لاي نوع من انواع المعاكسات.. بتبقى عايزة كده اصلا
دول بيخلوا الولاد كلهم من الانواع التلاتة اللي ذكرتهم يبصوا و يطولوا لسانهم و احيانا ايديهم كمان
النوع التاني من البنات مش قصدهم انهم يستفزوا الشباب انما الشباب بقى عندهم مفهوم و صورة لان البنت اي بنت زي كل البنات و ان الزمن بقى كله كده
فوق كل ده مش مسموح للشباب مهما كان الامر انهم يمدوا ايديهم و يتحرشوا فعليا باي بنت
ولو كان الامر تحرش عشان هي مش محترمة او لابسة لبس مش محترم يبقى الاولى انهم يتحرشوا بالبنات اللي فش شارع شهاب و عند كافيه العمدة وكافيه لوكيشن و صن ست و شقاوة اللي في جامعة الدول العربية
هناك فيه بنات ليل اصلا
لكن عشان العقلية بتاعت الشباب اللي بيتحرش عقلية واحدة واطية سطحية
فبياتخدوا عاطل علي باطل
العالم دول فاقدين الوعي والا أغبياء عمدا والا عايشين في أماكن فيهاش ستات أصلا و كل دي هلاوس من عندهم!
ال يسمع كلامهم يفتكر أن شوارع القاهرة دي مثلا تنافس شواطئ إيبيزا في الستات العريانة!!
كل وقائع التحرش ال بتحصل بتكون فيها ستات محجبات و ستات غير محجبات، و حوادث التحرش الجماعي ماكانش فيها تمييز. و بعض الوقائع دي متصور بالفيديو
المقالات التالية كلها تتناول حوادث تحرّش كانت الضحايا فيها منحجبات:
المصري اليوم - المدونون يؤرخون للتحرش عبر الإنترنت
حكايات من دفتر التحرش: عجوز طلب من جارته ذات 16 عاماً أن تكون عكازه فتحولت يده من الاتكاء إلي ملامسة جسدها
انتهت موضة «عيد الكحك».. وبدأت «أعياد التحرش».. والحل «تسليح النساء»
مني الطحاوي تكتب للمصرى اليوم: عار التحرش الجنسي في مصر
و إلا فالأحسن أن الستات يلبسوا دروع، لأن النقاب و الحجاب ما نفعوش
----
طيعا التصنيف و التنميط ال عمله عمرفوكس فوق دا مالهش أي معنى. كل التعميمات و التنميطات ال من النوع دا مش بتساعد غير في زيادة العنصرية و الفئوية، سواء دينية أو اجتماعية أو غيرها.
و حتى بافتراض أن واحدة بتحب لفت الأنظار فدا مش مُبرر لأن الولاد يتجاوزا حدودهم و القانون. و إلا كان من حق أي حد يمد إيده على الناس ال ماتعجبوش في الشارع، أو ياخد ال في يد غيره لمجرد أنه ماعتدهش زيه و نفسه فيه. ممكن على مضض تقول أن الأولاد محرومين و عيانين و مش متربيين و كل الكلام و أنها غلطة أهاليهم و غلطة المجتمع ككل، لكن ماينفعش تلوم البنت على أن "شكلها لافت للنظر"..ابقى ورينا إرادتك و تحكمك في نفسك أنت و بص الناحية الثانية. الماشي في الشارع يسمع كم من الألفاظ البذييئة ال يعاقب عليها القانون أصلا من غير حاجة، لأن الناس مش متربيين.
و بعدين مسألة الملابس دي كلها لا تفسر تحرش الأطفال ال ماعندهمش دافع جنسي أصلا و مجرد أنهم بيقلدوا المراهقين و الشباب الأكبر منهم.
التحرش ليس مسألة جنسية أصلا، هو صراع قوة مجرد، و محاولة فرض إرادة و سيطرة من شخص يرى نفسه قوي على شخص آخر يراه ضعيفا و يعلم أنه لن يستطيع الدفاع عن نفسه و يعلم أن ضحيته لن تحصل على مساعدة و دعم و تعاطف الآخرين في الشارع أو من الشرطة أو من الأهل، لأننا في مجتمع يُجرِّم الضحية و يطالبها بالسكوت اتقاء للعار.
من غير تصنيف ولا حاجة بس عشان الكلام مايبقاش معمم زي ما قولت
وعشان الموضوع ماياخدش منحى اخر زي موضوع الحجاب هو فرض ولا سنة
هانيجي للتحرش ونمسك في موضوع هو الشباب اللي تعبان ولا البنات اللي مزوداها
اكيد اكيد فيه غلط من الاتنين الشباب باستعباطهم و البنات برضو
ماينفعش خالص اقول ان البنات بريئة ومافيش عليها غلط
ماينفعش اجرم شاب عشان تحرش بواحدةمن غير ماشوف الدوافع و الاسباب اللي خلته يعمل كده سواء من نفسه او من الطرف الاخر
كل مشكلة بتحصل لازم يكون فيها طرفين
اللي عايش في جاردن سيتي عمره ماهايعرف يعني زبالة وعشواية و اللي عايش في الزاوية الحمرا عمره ماهايعرف هدوء ونظام
بالظبط كده اللي شايف ان كل البنات كويسين لمجرد انه يعرف بنات كويسة بس
و بالعكس برضو اللي شايف انكل البنات منحرفين عشان هو مش يعرف غيره
فيه كده و فيه كده
و فيه تحرش وفيه شباب منحرفين و مستظرفين
عمرو أول إنت شرفت المدونة.
أول هام: خلينا نتفق إن الناس أشكال وألوان وحتى لو بنتكلم في موضوع محدد ماينفعش نصنفهم في تلات أنواع أو نوعين.
تاني هام: خلينا نتفق إن اللي مش بتبدي امتعاضاً لما حد بيتعرض لها دي فيه ألف سبب تخليها ماتهزأش اللي قدامها، مش معناه بالضرورة إنها راضية يعني، بس هو كده يا عمرو المجرمين بيحبوا يلاقوا أي حاجة يتبرروا بيها فبيقولوا (ما هي سكتت يبقى أكيد راضية)، بس ممكن تكون مرعوبة ومش قادرة تفكر، وممكن تكون مزنوقة في الأوتوبيس ولازم تلحق شغلها أو جامعتها، وممكن تكون خايفة تتكلم عشان عارفة إن ماحدش حايقف في صفها وماحدش حايجيبلها حقها والموضوع كله حيرسى على "حصل خير" و"بنات آخر زمن"، وممكن تكون متضايقة بس الموضوع مش حياخد معاها أكتر من يومين وتهدى (وده نوع نادر من البنات)، أما فتيات الليل اللي إنت بتقول عليهم دول فإنت برضو غالباً حكمت عليهم بلبسهم ومعلش أنا هنا موقفي أحسن منك لإني بنت وأكيد يعني عرفت بنات أكتر منك كتير وبقول لك إن في بنات بتلبس ضيق بس أخلاقهم أحسن من 100 واحدة محجبة، ده غير إن إنت لو قدامك فتاة ليل وقلتلها حاجة يبقى ده اسمه تودد مش تحرش، لإن التحرش معناه إن اللي قدامك يبقى رافض اللي إنت بتعمله.
تالت هام: احنا بقى لنا أكتر من تلات سنين يا عمرو بنقول على المدونات إن مفيش حاجة اسمها "البنات هما اللي خلوا" و"الأولى إنهم يتحرشوا بالبنات اللي في شارع شهاب" عمرو إنت عارف إنت بتقول إيه؟ إنت عارف إن إنت كده بتبرر لجريمة إنها تحصل؟ إنت عارف إن إنت كده ممكن تسبب بنت إنها تكتئب وتنتحر ومستقبلها يضيع أو شاب إنه يرتكب جريمة وبرضو مستقبله يضيع؟ يا ريت تعيد النظر في الموضوع.
رابع هام: مفيش عاطل ضمن المتحرشين، كلهم بلا استثناء باطل.
خامس هام: الجريمة جريمة مهما كانت المبررات يا عمرو، أصلاً مش المفروض إن يبقى فيه مبرر للجريمة، ماينفعش إننا نقول لقتالين القتلة معلش أصلهم كانوا متنرفزين شوية وراحوا أزهقوا روح، والحرامية معلش أعذروهم أصل المرتبات قليلة، والمغتصبين معلش أعذروهم أصل الجواز بقى صعب، واللي راح قتل أكتر من 2 مليون نقول معلش أصله كان عايز بترول.
مفيش مبرر للجريمة أبداً.
ميرسي جدا علي توضيحك امور ليا يمكنانا كنت فيها متنرفز خصوصا موضوع شارع شهاب
لان بجد البنات هناك مزوداها قوي انا شغلي هناك في الشارع فعشان كده بشوف اشكال والوان
لكن الموضوع كله دايرة مغلقة برضو و في مشكلة موجودة فعلا
فيه انهيار اخلاقي موجود
عارفة بجد والله انا بخاف من حاجتين
من منظر الشباب اليومين دول بتوع الحشيش و البلطجية و منظر بنت معدية علي ناصية شارع اوماشية وسط مجموعة شباب بالصدفة
ثانيا انا منساعة موضوع التحرش اللي حصل في العيد من 3 سنين تقريبا وانا بيجيلي اكتئاب كل اول يوم عيد ومش بخرج اصلا من بيتي و بطلت اصلي العيد في مصطفى محمود من المناظر اللي بشوفها من الشباب و البنات
عموما دي ماكنتش دعوة للتحرش ببنات شارع شهاب اوجامعة الدول اد ماهي طلب ان كله يخللي باله من نفسه
وكفى الله المؤمنين شر القتال
وللموضوع بقة برض
ومنتظركم اول يوم العيد ربنا يستر
foxamr,
أكيد مش بتبقى مكتأب أكتر مني ربنا يستر بجد والعيد يعدي على خير شكراً ليك.
Post a Comment