Not in the name of Islam!

People who claim to speak or act in the name of Islam often tarnish it the most. I cannot find any explanation for the punishment of a Sudanese woman for committing the unthinkable crime of wearing pants. Nowhere in Islamic Sharia should women be flogged for wearing pants. Some Sudanese "Sharia Court" has simply invented its own code of ethics which are as unislamic as can be and decided to rip apart the skin of a woman for wearing pants! Every Muslim should be indignant ... what gave them the right to act out such a barbaric act in the name of Islam?

Even the punishment that should be imposed on fornicators or adulterers according to Islam can only be carried out if they have been caught red-handed by four witnesses. And not any witnesses, witnesses who believe in God ... Now do any couple who decide to get laid actually do it in a place where they can get caught by four believers? No. And what does that mean? This punishment is more of an intimidation than anything else. What actually happens, sadly, is that a woman's relative kills her right away if he simply suspects she has had an affair with someone. This is incredibly unjust.

The punishment for fornication or adultery should not be related to the Sudanese woman, because she is not accused of these crimes. Still, for some incomprehensible reason, the so-called court in which so-called Muslims have handed down the "adultery" punishment!

It's disgusting and it's enraging. I have recently accepted that democracy is a huge myth, but does the alternative really have to be full-blown idiocy and cruelty?

Homebound

I have always been what you can call close to my big sister. We would share everything from the same fashion sense to tears at the death of a family member. She is the typical eldest sister/child; an A student, aspiring, eloquent, self-confident, domineering and mother-like. I dreaded how everything was about to change when she got married a year and a half ago. I was scared that we would not be as close friends anymore. But ever since she travelled, there has been a strange turn of events.
During the year she travelled with her husband to Wahhabism-infested Saudi Arabia and much to my surprise, she started to change. It may as well have been her husband, but both of them were moderate. The first alarming sign was when I described the time-honoured Ahmad Zaky Badr as an animal, a totally acceptable and for that matter understandable swear word. I found an indignant message from her wondering what "people will say about me for saying that word." I assured her that not only does he deserve it, but also my FB privacy settings are edited and students cannot see my stata. She mentioned, to my amazement, that she does not want her "cute and sweet" to call anyone names. I responded rather harshly that I am neither sweet nor cute and do not want to be. Fe3lan ya3ny I do not want to be sweet. I want to be sour, harsh and bitter.
Another time we were marvelling at all the good times we will spend together when she comes in a matter of two weeks and we mentioned meeting some friends including a guy, when she mentioned something along the line of bringing my brother over as a "mahram." For the sake of my sanity, I didn't ask her to repeat what she said. I have another FB account for students, and I joked that it was my "secret account," and again she commented, though jokingly, that she is surprised that her young sister has lost her "innocence". I wonder what she will say if she knows that I have an atheist friend and that I have enjoyed watching Hentai images.
I do not want to fit in any mould anyone makes for me. I want to be spontaneous and independent, that is why I am expecting a clash of civilisations to occur during her short stay here...

نقاب التخلف والوحشية

اللي لابس نقاب مش واحدة متغربة وسايبة بيتها ومدينتها عشان عايزة تروح تتعلم، اللي لابس نقاب هو اللي عايز يخبي عن المشكلة الحقيقية، والأخبار المقززة اللي ظهرت في اليومين اللي فاتوا:

توربيني جديد في الشرابية يعترف بانتهاك عرض 30 طفل

اتهام الشرطة المصرية بتعذيب أخو المتحدث باسم حركة حماس في غزة حتى الموت طبعاً

احنا آسفين يا حماس، آسفين يا أطفال مصر، أصل ربنا حيوقف المحجبة على باب الجنة ويسألها على وشها، لكن مش حيسأل عن أعراضكوا وحياتكوا

Today's Must-Read

احنا وهما

الرحمة يا شيوخ الفضائيات

ساعات باحس إن الشيوخ اللي بيطلعوا في التليفزيون دول مايعرفوش الناس عايشة إزاي وبيبصوا علينا كده بالتليسكوب، امبارح وماما بتقلب القنوات طلع شيخ مغمور على الأقل بالنسبة لي في قناة الناس بيقول لنا إن ربنا مش بينشر وباء في بلد إلا إذا انتشر فيها الفاحشة...عشان كده مصر انتشر فيها انفلونزا الطيور والخنازير, لأ وبيقول أكيد طبعاً عشان قلت كده هتقولوا علي متخلف ورجعي...

أنا قعدت أفكر يا ترى الفاحشة منتشرة بين مين ولاد الأبالسة دول عشان نموتهم يمكن ربنا يرفع عنا البلاء...وخلينا نتفق في الأول إن معنى الانتشار إن يكون 80% مثلاً على الأقل بيمارسوا "الفاحشة دي"...

لقيت إن 36% تقريباً سنهم يا إما تحت 14 سنة أو فوق 65 يعني في سن الضياع...أكتر من ربع المصريين يا إما كل همهم في البلاي ستيشن والأبلة اللي بتضرب العيال أو في المعاش اللي مش مكفي الأدوية والعيال اللي عايزين يتجوزوا ومش لاقيين فلوس.

طب مين بيرتكب الفاحشة؟

وكمان لقيت إن برنامج الأمم المتحدة الإنمائي بيقول إن 14 مليون مصري تحت خط الفقر، ده طبعاً غير الملايين من الموظفين والعمال اللي ماشيين جنب الحيط ومش طالبين غير الستر والعلاوة ومؤمنين بربنا أكتر من الشيخ اللي بيتهمهم بالفاحشة دون وجه حق ولا حتى علم.

مين اللي بيرتكب فاحشة في مصر؟

أكيد في، لكن هل الموضوع واصل لحد الانتشار وفقاً لمعملومات الشيخ الدقيقة؟ يعني هل مثلاً 7 أو 8 من كل 10 حضرتك تعرفهم بيمارسوا فاحشة؟

وهل اللي ماتوا من انفلونزا الطيور لحد دلوقتي كانوا بيمارسوا الفاحشة؟ دول كانوا فلاحين غلابة بيربوا الطيور في البيت عشان هو ده راس المال اللي حيلهم. طبعاً أنا ماكملتش إيه هي الفاحشة اللي الشيخ يقصدها، بس أكيد أكيد يقصد كمية البنات الرهييييييييييييييبة اللي مش محجبات وبيلبسوا بنطلونات، مش كده؟

أنا اللي أعرفه الآية القرآنية الحكيمة "ولا تزر وازرة وزر أخرى"، يعني ماحدش بيتعاقب بذنب حد تاني. يعني مش عشان في واحد فاحش عنده انفلونزا ركب الأصانصير قبليا قمت أنا اتعديت منه يبقى أنا فاحشة وأستاهل، لأ، ده ظلم، وربنا مابيظلمش حد.

يعني مش كفاية الحكومة بتسم بدنا كل يوم بتصريحات من نوع إن المصريين شحاتين عشان مستنيين الدعم وإن في مقابر جماعية مستنيانا لما نوصل بالسلامة...كمان تطلع لنا تتهمنا في شرفنا بالشكل ده، إرحمونا بقى.

أربعة مواقف قبل بدء عيد التحرش

الموقف الأول:
اليوم السابع نشرت خبر تحرش شاب بسيدة وهي بتصلي في الجامع.
تخيلوا؟
ده عشان اللي بيقولوا إن البنات اللي "لابسة عريان" هما اللي الشباب بيتحرش بيهم والملتزمات "في لبسهم" عمر أبداً أبداً أبداً ما حد بيبصلهم.
يعني يا ربي المكان الوحيد اللي الواحد بيحس فيه بالأمان ينجسوه؟

الموقف الثاني:
المدونة آسر ياسر عاملة جروب على الفيسبوك اسمه "أنا مش هاتحجب وإنت حتتأدب!" وده مش جديد، الجديد بقى إن الجروب اتقفل واتبعتلها رسايل تشتمها وتشتم اللي خلفوها وتخوض في أعراضها وأعراض عيليتها وهددوها إلخ.
السؤال هنا، إزاي حد ممكن يدعو للحجاب وفي نفس الوقت يسب الناس؟ هو مش الدين منظومة واحدة، ياناخدها كلها يا نسيبها كلها، مش ربنا قال إدفع بالتي هي أحسن، وسيدنا محمد (ص) قال ليس المؤمن بطعان ولا لعان ولا فاحش ولا بذئ، يا ترى اللي عنده الفكرتين المتناقضتين تماماً دول في مخه جابهم إزاي ومقتنع بيهم مع بعض إزاي؟ إذا كان بيقولوا إن المش محجبات سايبين جزء من الدين...أمال هما عاملين إيه؟
فين الدين النصيحة، وفين الدين المعاملة؟ وإزاي نستنى من واحدة بتتشتم عشان مش محجبة إنها تحب الحجاب أو تفكر تلبسه؟

الموقف الثالث:
الأهرام ناشرة النهاردة بالبنط العريض إن الداخلية ناشرة بوليس سري لعدم تكرار حوادث التحرش في العيد.
:))))))))))))))))
الخبر ده لو صحيح في ظباط هينفذوا وفي ظباط هيطنشوا، بس كل اللي بيحارب الوكسة دي كسبان، لإن أخيراً الجرايد ادت للموضوع حجمه وأخيراً في أفراد في الداخلية بقوا بياخدوا الموضوع بجدية، الموضوع كان نايم ودلوقتي بقى على كل لسان، وده في حد ذاته مكسب، عشان اللي مش بيديلك حقك لازم تاخده من حباب عينيه...

الموقف الرابع:
الشيخ صفوت حجازي طلع النهاردة في مع الشيخ محمد جبريل...وبيقول إذا كان اللي ماشية في الشارع شبه عريانة بتقول دي حرية شخصية، يبقى اللي بيعاكس برضو عنده حرية شخصية.
!!!!!!!!!!!!!
تيجي إزاي دي يا عم الشيخ؟ أولاً خلينا نتفق على نقطة، أنا ماشفتش في حياتي واحدة شبه عريانة غير على الشواطئ، ودي غلطة الفنادق إنها سايبة الموضوع على البحري مع إن أوروبا نفسها في شواطئ العري ممنوع فيها، فلما ييجوا هنا عشان يقلعوا تماماً يبقى إنت بتقوللهم إن مصر مافيهاش نظام ولا قوانين ولا يحزنون. وبعدين هي دي طريقة دعوى؟ إلبسي الحجاب يا إما أي حد يقفش فيكي براحته بقى؟ ده اسمه إرهاب فكري وبيمهد للإرهاب الفعلي بقى...المفروض البنات لما يسمعوا كلامك حيحبوا الحجاب إزاي؟ في الحالة دي حيلبسوه لمجرد إنهم خايفين لكن تصرفاتهم بقى أجارك الله يا شيخ يا محترم.
هو ده بقى اللي بتقولوه للناس في خطب الجمعة وخطبة العيد والأخطر في التليفزيون...لوم كامل للمرأة وكأن الله مأمرش بغض البصر والتحكم في الغرائز...إزاي واحدة عايزة تلبس قميص وبنطلون وتنزل تشتغل أو تشارك في مظاهرة أو تروح الجامعة أو تعمل خير تساويها بواحد صايع ضايع بينتهك حرمة الجسد وتقول عليه حر؟ هو مش أعراض الناس حرام؟ هو مش ربنا خلق المرأة لأسباب تانية كتييييييير غير إنها تتحجب وبس؟ يعني يا سيادة الشيخ لما نيجي نسأل بعد كده هو التحرش منتشر ليه نعرف إن إنت وأمثالك السبب؟

نكأت الجرح يا لورنس

المقال مش محتاج لتعليق لإنه كفاية قوي، وبيوجع قوي، بس الداخلية متحملة جزء كبير من المسئولية لعجزهم وتقعاسهم وتنطيشهم لحماية الناس عامة والبنات خاصة.

إيه القرف ده؟

هو اللي حنعيده حنفضل نزيده لحد إمتى بس عشان أبقى عارفة
اتفضلوا:
"لمي نفسك يا بنت بلدي" للقضاء على التحرش الجنسي
ده آخر جروب على الفيسبوك للدفاع عن التحرش الجنسي
ما هو اللي يدخل يقول أي بنت لابسة بنطلون وكات تستاهل يبقى بيدافع عن التحرش
واللي يقول اللي لابسة محتشم ماحدش بيبصلها يبقى كداب
لإن في حاجة اسمها غض بصر
وفي حاجة اسمها النظرة الأولى لك والثانية عليك
وفي حاجة اسمها المسلم من سلم المسلمون من لسانه ويده
وفي حاجة اسمها من حسن إسلام المرء تركه ما لا يعنيه
إشمعنى حافطين الآيات بتاعت الحجاب صم ومش حافطين الأحاديث دي؟
ده على اعتبار يعني إنهم بيتكلموا من وجهة نظر دينية
لكنهم لو فاهمين التدين صح مش حيفكروا بالطريقة دي
معلش علم في المتبلم يصبح فاهم
نقول تاني؟
قولوا ورايا
كل واحد حر في لبسه وربنا هو اللي حيحاسب الناس
لبس البنت مش بيدل بالضرورة على تدينها أو أخلاقها
اللي بيبص للبنات أو يتحرش بيهم لفظيا أو ينتهك أعراضهم مجرم مجرم مجرم
وحنوديهم السجن واحد واحد إن شاء الله
كل البنات بتتعرض للتحرش بدون تمييز
اللي بيشوف بنت بتتعرض للتحرش ويسكت أحسن له يغير كلمة "ذكر" اللي في البطاقة
ها فهمنا ولا لسة؟
يا مسهل

علاء الأسواني رئيساً للجمهورية

في الأول فكرت إننا لازم نعمل له تمثال لكن بانكسي علمنا إننا لو عايزين نخلي شخصية تتنسي نعمل لها تمثال في ميدان عام
:)))))))))
عشان كده أنا بقول لعلاء الأسواني رشح نفسك رئيس وارحمنا من اللى احنا فيه
مقال الأسواني الأخير
ماذا أضاف الوهابيون إلى مصر؟