Friday, November 03, 2006

الأهرام عن تحرشات وسط البلد

أخيرا"اتكلمت أكبر جريدة مصرية (بتاعت الحكومة بس ما يضرش) عن تحرشات وسط البلد, طبعا" حاطين كلمة "اشاعات" فى عنوان المقال بالرغم من ان جسم المقال متضمن شهادات من بنت اتبهدلت يومها,و لقرفى الشديد...بعض الرجال اللى اعترفوا بانهم اتحرشوا بالبنات...و قاللوا:
"أنا شخصيا"أفعل ذلك كل يومين تقريبا ثلاث مرات. و غالبا ما تضحك الفتاة أو تتجاهلنى و قد تنظر لى باحتقار و تمضى و الجريئة منهن تسبنى,و إذا فكرت أن ترفع يدها أباغتها بالسباب, و إذا تجمع الناس حولنا أهرب بسرعة كبيرة بعيدا و أذوب وسط الزحام."
يعنى المحترم واخدها هواية,يا مصريين اهانة البنات و الاستمتاع المطلق بيهم أصبح أمر روتينى فى حياة الرجالة,عقبال الاغتصاب.
و تقول د ص:كنت أسير مع ثلاثة من زميلاتى بعد خروجنا من السينما و أمامنا فتيات أخريات و فجأة انقض هؤلاء الشباب علينا و تداخلوا بيننا يتحرشون بنا. و قد امتدت أياديهم البنا بصورة أكثر بشاعة مما يتصور أحد فى شارع مزدحم! و من كانت منا تحاول دفع الأيدى عنها بيدها أو بالصراخ كانوا يحاولون جذبها من ملابسها"
أما بقى وزارة الداخلية فقد نفت حدوث الانتهاكات تماما و قالت فيما قالت من استحمار:
"ان اللقطات الفوتوغرافية التى تم التقاطها وعرضها على الموقع الالكترونى لا يوجد بها تحرش جنسى و إنما زحام كبير من المواطنين من بينهم سيدة تبتسم
!"
بعض الأصدقاء اللى ناقشت معاهم المصيبة دى قالوا لى "دى مؤامرة متدبرة",طب متدبرة من مين ضد مين يا اخوانا؟ لا يمكن تكون لصالح النظام لان اى نظام يسمح بانتهاك اعراض النساء بالصورة الحقير ة دى بيحط نفسه فى موقف محرج.انا ماصدقش انها مؤامرة لكن ممكن جداأصدق ان البلطجية دول عارفين ان مفيش
حد حايلمهم او يعاقبهم فاستحلوا أعراض البنات لأنفسهم.
مكتوب علينا نفضل حاطين عينا ف وسط راسنا طول ما احنا مش فى بيوتنا,ولا حتى جوه البيوت!مكتوب علينا يا ربى,بس ليه؟
للأسف سؤال بأفكر فيه و مش لاقية له اجابة...ليه ربنا بيسمح للتحرشات(و كل أنواع التعذيب النقسى و الجسدى) انها تحصل؟

9 comments:

Anonymous said...

Dear Noha,

It the biggst probblem we dineid all problems we have, the only thing we do is saying it is a complot, it is very easy make somebody lese a guilty we must allowed to look at ourself and be able to say we do it wrong, that is the onely way to solve a problem we are are humanbeing and we make a mistakes, we are not egles, and where were the police is busy arresting people who are saying what they think.

Sherif

Anonymous said...

ladies and Gentelmen,

I am reading now what Dina the has said on the site cairo live, she is actully saying, there was no sexuel intimidation in the front of cinema Metro or Miami,of course because she has a lot of bodygards who is protecting her. It looks like she is talking in the name of the egyption ministeri of secuirty. very lovely hhhaaa


Sherif

Anonymous said...

people where are you? are you sleeping or are you bsy?

sherif

Anonymous said...

People look at the site of Dmaghmak, there are a trouble pictures about how the egyption citizen have been treated by the egyption police.

Sherif

Anonymous said...

http://www.youtube.com/watch?v=PYRr1G8f1SA
فيلم تحرش وسط البلد ويبين فى اخرة بيت يتم خلع ملابسها بالقوة

Anonymous said...

فيلم زحام.. الظاهر ان اللقطة الأخيرة دي ف استاد وللا حاجة.. وواضح انها كانت لابسة سواريه ومافيش لا هدوم متقطعة ولا البنت حتى بتعيط ولا حاجة
فبركة

Anonymous said...

ايه اعلام مصر دي اللي في الآخر.. هية جوة سفارة وللا ايه؟
هاهاها

Anonymous said...

ايه اعلام مصر دي اللي في الآخر.. هية جوة سفارة وللا ايه؟
هاهاها

Anonymous said...

ايه اعلام مصر دي اللي في الآخر.. هية جوة سفارة وللا ايه؟
هاهاها