منى الشاذلي ورولا خرسا أجدع ناس

لسه متفرجة على العاشرة مساءً اللي كانت الفقرة الخاصة فيه عن التشريعات الجديدة اللي اتوافق عليها بخصوص التحرش الجنسي، منى كانت مستضيفة الإعلامية رولا خرسا ومحامي معرفوش جابوه منين اسمه نجاد البرعي والصحفي ياسر الزيات والصحفية جيهان الغرباوي...
رولا خرسا 10 على 10...إيه ده؟ هو في ناس في مصر بتفكر كده؟ هو في ناس في مصر لسه عارفة يعني إيه كلمة احترام الآخر ويعني إيه إن الست تبقى ضحية سواء القانون اتنفذ أو ماتنافذش أو الست لابسة محتشم ولا عريان...وإن البطالة مش حجة للتحرش؟ الست دي اخترعوها فين؟ طبعاً أنا كانت ناري قايدة ومنى الشاذلي ورولا خرسا قالوا كل كلمة وكلمة تسوى مليون كلمة من باقي الضيوف الغريبة...نجاد البرعي فلسفته في الحياة إن لو أنا ماشية في أمان الله وحد قال لي يا عسل يا جميل عادي يعني المفروض افرح وأحس بقيمتي! والزيات عمال يقول بلاش تحرش سياسي...أما جيهان الغرباوي بقى كانت من عجائب الزمن، للأسف كنت بقرا مقالاتها في الأهرام، مرة كتبت عن الموزامبليه...مرة عن الكراكيب، هو ده آخر قدراتها العقلية يعني، فلسفتها في الحياة إن الشرطة مش فاضية للكلام الفاضي ده وإن الست المفروض تمشي حالها وإن المفروض "المجتمع" والناس اللي ماشية في الشارع هي اللي تحمينا!!!

منى الشاذلي كانت بترد ردود حقيقية جداً، بتقول إن التحرشات دلوقتي مابقتش عسل وجميل بقت كلمات غاية في الوقاحة والبجاحة ودي حقيقة...وواحد اتصل قالها أنا البنات عاكسوني، قالت له طب إنت مابتردش عليهم ليه؟ مفيش غير بنت واحدة بس هي اللي عوضت حالة التوهان اللي أنا كنت فيها إني ماخدتش رقم البرنامج وقالت إنها مع تغليظ العقوبات وإن أي نوع من المعاكسة مهما كانت حاجة غير مقبولة، وفكرتنا بنهى رشدي ربنا يمسيها بالخير...
طبعاُ متوقع إن يبقى في آراء متخلفة وبتدافع عن المجرم، زي التقرير اللي في أول الحلقة واحد طالع بيقول دلوقتي البنات هي اللي بتجبر الشاب إنه يتحرش بيها!!!
يحسسك كده إن البنات ماشية بمطاوي وبتمسك الولاد عشان يعاكسوها وغير كده العقوبة بتكون ست غرز وغزة
لكن اللي مش فاهماه السلبية والاستكانة...يعني إيه واحدة لمجرد إنها ساكنة في حي شعبي وحد اتحرش بيها يبقى المفروض تحط في بقها وتسكت؟ هو صحيح إحساس قاتل إنك تحسي إن الناس بتتكلم عليكي وإنك تسمعي كلمة من دي وكلمة من دي، لكن البنات المحترمة معروفين واللي ماشيين بطال معروفين، لو أهل الحتىة عارفين إن واحدة محترمة حد اتحرش بيها ومامسكوش الواد رنوه علقة/ودوه القسم حسب التساهيل يعني يبقى دول ناس مايستاهلوش غير إن الواحد يتف في وشهم وكلامهم قلته أحسن.
أيا كان الحلقة شجعتني جداً، وخلتني أحس إني مش بأدون وأكلم صحابي كده مع نفسي كأني حالة شاذة، لأ ده في ناس عارفة إن التحرش مابقاش حاجة ينفع يتسكت عليها، والأهم من القوانين هو تشجيع البنات أو الضحايا عامةً إنهم ياخدوا موقف إجابي ومايبفقوش ضحايا.

I'm lonely, lonely, lonely

I have been attacked by a mood that has for so long thankfully abandonned me. Generally speaking I am not a people person, and I shy away from people I don't know and always, always feel tense in public. A bit of paranoia added can complete the picture too.

I have struggled throughout my teenage years with loneliness. I would go to school filled up with a hope in a new day only to feel rejected and unwelcome. I made a group of friends during "high school" and at college I made yet another one and we're still like really thick, so feelings of loneliness now baffle me.

I usually have an insatiable appetite for new, interesting people, especially males, which is normal. However, I just feel unloved. I have this particular foreign friend and whereas I am not in, and should not, be in love with him, it just exasperates me feeling he is not as interested in me as I in him. I am used to a certain kind of attention. I just know that men are hopeless in tiny details and sweet gestures, but these would make me feel better. Again why I am expecting him to give me this kind of attention, I don't know.

Another problem is, I literally drool over every single interesting guy I meet. Just please drop me a comment and tell me this is normal. I have like, instant crushes with maybe ten people at the same time. The moment I see or meet anyone new I get all heated up and keep imagining how our "relationship" would go. I know this is typical loneliness. But I also know that even if I fall in love, I am not going to fall in love with a perfect man, and that any detail about other men will keep intriguing me. I might as well make a very bad wife.

I do have a hundred things to do to keep my mind away from all of this. Desperately searching for people I have met on FB or even in blogs won't work. I am aware that someone out there is probably searching for me as well, but until our wires meet, I will have to endure this.

"برضه هسكت ومش هتكلم"

هدى اللي حاورتها جريدة الشروق اللي بتقول كده، مش أنا، لإني لما بأهزق حد منهم ناري بتبرد، وحتى لو ماحدش من الموجودين ساعدني

Anti Wall of Shame Protest

ملف أحمد زكي بدر (الصفحة الأولى)

بصوا بقى، أحمد زكي بدر ضرني شخصياً، مرة لما دخل بلطجية الحرم الجامعي عشان يضرب الإخوان، ومرة لما عمل حفلات في الجامعة وبقينا بنحضر المحاضرات على واحدة ونص، وكل مصيبة من دول حصلت كذا مرة، يعني الراجل ده بلا قافية كده كان مطلع لي برج في دماغي وكنت كل ما أفتكره أو أعدي جنب المكتب بتاعه أدعي يجي له أزمة قلبية أو سرطان البروستاتا أو تشنجات أكتر ما هو متشنج ويحل عن سمانا بقى.
المهم إنه غار في داهية بعيد عن الجامعة بقى، لكن على مين، أنا لا بسامح ولا بنسى، مش حنسى إنه حسسني بالخوف وأنا في الحرم الجامعي ولا إني بقيت بعيط كل ما باسمع عن قرارات الفصل اللي بيعملها سواء لمعاوني أعضاء هيئة التدريس أو لطلبة الإخوان لمجرد مثلاً إنهم عملوا معرض عن المسجد الأقصى، فالموضوع شخصي بحت وأنا غلاوية وانتقامية، عشان كده أنا هعمل له ملف في المدونة دي، كل ما يغلط هسجل له غلطته وحتفضل موجودة لي وللتاريخ كدهو، مش على أمل إن غلطاته تؤدي لعزله من المنصب لا سمح الله ولا حاجة، لكن عشان ناري تبرد.
النهاردة بقى طالع يقول إيه؟
قرار منع الضرب خلى المدرس ملطشة
:)))))))))))))
يعني المدرس مش ملطشة عشان ممكن يتضرب قدام الطلبة ومايعرفش ياخد حقه، ولا عشان بياخد 200 جنيه في أول التعيين، ولا إنه بيفضل مؤقت ومابيتثبتش وفقاً للقانون، ولا إن ظروف المدارس مش مساعداه نهائي على التحكم في الطلبة أو أداء دوره، المدرس ملطشوة عشان المفروض يدخل الفصل معاه كرباج ويعلق العيال في السقف زي رمضان مبروك أبو العلمين حمودة كده، هي مش كفاية العيال اللي ماتت من الضرب في المدارس؟
ماتت من الضرب
مش كفاية إسلام اللي المدرس فضل يضربه بالشالوت عشان ماعملش الواجب لحد ما مات؟ وبعدها مفيش بأسبوع بنت تانية ماتت من الخوف عشان ماكانتش عاملة الهباب الواجب؟
الكلام ده كان وقت ما الضرب ممنوع، دلوقتي بقى لما الوزير يرجعنا 100 سنة لورا ويدي الضوء الأخضر للمدرسين إنهم يستخدموا أساليب عفا عليها الزمن وبتطلع عيال مشوهة نفسياً وجسدياً، عيال ماعندهاش كرامة ولا كبرياء...هي ناقصة؟؟؟
دي الصفحة الأولى، لسه بقى موضوع الثانوية القديمة اللي هترجع تاني دي...والتصريحات العجيبة والشتايم...ما أنا عارفاه راجل كله ذوق...الملف مفتوح أهو...وكل قرار وكلمة هايتسجلوا لك أيها الوزير.

الذكرى الرابعة لغرق العبارة

هؤلاء أيضاً تذكروا:
أفندينا