من أجل حد أدنى للأجور

بنت عامل من البرلس

النهاردة المعتصمين كانوا غاضبين جداً، ومتحمسين جداً ومصممين على الاستمرار في الاحتجاج

عمال من شركات مختلفة ونشطاء ومدونين وصحفيين وإعلاميين ونواب مستقلين وأطفال وكبار السن وناس من كل جنس ولون اتجمعوا عشان يطالبوا بحد أدنى للأجور والمعاشات أو ينقلوا الاحتجاج لبرة شارع حسين حجازي

وصلنا الساعة 3 من شارع جانبي لقينا ميكروباصين مليانين عساكر في زي مدني وعربيات أمن مركزي

الهتافات كانت حماسية جداً وبيتهيألي بقت معروفة:

حد أدنى للأجور للي عايشين في القبور

قول يا مبارك يا مفلسنا إنت بتعمل إيه بفلوسنا

الغريب إن كذا مرة ألاقي الناس انفصلت عن بعض وكل مجموعة بتهتف في ناحية، حزب التجمع كانوا بيهتفوا في ناحية

والقيادات العمالية في ناحية تانية

واحدة من القيادات العمالية تبع إداريي التعليم بتقوللي إنها بقى لها 20 سنة بتشتغل ومرتبها 500 جنيه...وإن وزير من الوزرا لما اتكلم عليهم قال دول (مخازاناتية) عشان بيجيبوا للطلبة الكتب من المخازن!!!!!

العدد كان حوالي 600 دخلت العمارة اللي قدام الاعتصام لقيت ده مكتوب على الباب

حنزل الفيديوهات على اليوتيوب النهاردة