Sunday, January 21, 2007

كسرت حاجز الصمت- كلاكيت تانى مرة


:) تحذير:تدوينة سعيدة
المرة اللى فاتت اللى كسرت فيها حاجز الصمت(ضد التحرش الجنسى) كنت لسة ضعيفة و مش عارفة اخد حقى من حد, لكن النهارده بس حسيت قد ايه حملة جمع الشهادات و كل الناس اللى وقفوا معايا...كل البنات اللى اتكلمت و حتى الناس اللى هاجمونى خلونى بقيت اقوى
النهارده كنت راكبة الاوتوبيس المكيف(اللى هو المفروض وسيلة آدمية) و أول ما قعدت جه على بالى الايدين اللى بتتمد ما بين الكراسى,قلقت شوية و قلت عادى ما انا طول ما انا معتبة برة عتبة البيت ببقى قلقانة, فضلت مصحصحة شوية بس غصب عنى لما الباص كان معدى عند جامعتى سرحت, سرحت فى الوشوش و الأماكن و الذكريات و الصحاب,فجأة حسيت بحاجة غريبة, بصيت لقيت اللى قاعد ورايا بيسحب ايده بسرعة من على دراعى
الدم غلى في عروقى, اتلفت بسرعة و قلت له بصوت عالى "ايدك لو اتمدت عندى تانى حاقطعها لك" ساعتها الراجل نط من مكانه واترعب و قاللى بصوت واطى و ببجاحة يتحسد عليها "هو انا عملتلك حاجة" و طلع يجرى على قدام.
و قعدت و انا برتعش و دمى بيفور من الغضب, خصوصا ان مفيش اى حد من الشنبات اللى كانوا قاعدين حواليا كلف نفسه انه يدافع عنى او يسألنى ايه اللى حصل
شوية و حسيت بحالة غريبة من الفخر و السعادة ماحسيتهاش قبل كده فى المواقف الهباب دى, ياااااه أول مرة أكسر حاجز الصمت بالطريقة دى! أول مرة أقول لمتحرش : لأ! طول عمرى بخاف و بتحط فى دور الضحية و برجع البيت اعيط و اكتئب لشهور طويلة, اول مر ة اقف ادافع عن نفسى بالقوة دى من غير مساعدة حد, من غير خوف من حد, اول مرة امشى فى الشارع رافعة راسى زى اللى كان فى معركة و انتصر فيها
و انا نازلة دورت عليه, لو كنت لقيته كنت حاقول باعلى صوتى لكل الركاب ان ده متحرش خللى بالكوا منه, إمعانا فى الذل يعنى زى ما بيذلنا, تفتكروا حيستجرى يمد ايده على بنات الناس تانى؟
انا النهارده فعلا أقوى من أى يوم تانى

6 comments:

Anonymous said...

Dear Nona,
congratulation that you have done it by yourself. That is the results when you talk a bout some issue. I am wondering that the people in the bus were saying nothing.Anyway keep fighting for your self, for your rights and the rights of other Egyption women, and i am sure that you rae able to do that. HAve a nice day


Sherif Holland

Triple H said...

hi this is my first comment even though i've been following the site for a while ,its very nice.
There is absolutely nothing to wonder about Mr.Holland , this is the world we live in buddy , no one cares about anyone ,most people have this indifference attitude towards everything, it makes me sick, you could also be robbed in a middle of daylight ,& nobody is gonna do anything about it , but that's how it is its every man for himself ,so stay strong Noha & God bless you.

HHH

Anonymous said...

HHhaaa triple h

My name is just sherif, Holland is the country i live, i do know that nobody cares, i have seen it with my own eyes during my last holiday in Cairo.I walked with my wife during Eid AL Adha on the Talaat Hareb street near of Gruppi and by the trafficlight of Kaser El niel Street ware 2 young boys who sasying something dirty agianst a young girl, and i was angry i said to them shall you accept it also for your sisters, they became angry and stat to screeming at me what i want it is non of my bussinse, the young boys said very angry to me sol long we do not touch her there is no problem, i do not know what i heard today is that the limiet next day if they they touch it wil be Normal. That the way in a country where no law and no rules. But it is not the same everywhere. ANyway it makes me very sad about the womenssituation in Egypt. God blees you allwho try to change it.sometimes i feel me guilty because i do not live in egypt anymore but that is the way it is.

Have a nice day Noha and Triple H

Sherif Anwar Ahmed and not Holland hhaaa

Anonymous said...

ايه العظمة دي كلها . نهى الجميلة احيكي و فعلاً فخورة بيكي :)
تمام كدة الراجل ده أكيد هيفكر مرتين قبل ما يعمل كدة لواحدة تاني ده اذا قدر يعمل كدة تاني
تحياتي و احترامي

Wild at Heart said...

I hope so, atr elnada!
Thank you all so much

Anonymous said...

مش عارف ايه موضوع المعاكسات دي معاكي يا نهي ...ماهو يا اما انتي موسوسة اكتر من اللازم يا اما انتي ساكنة في منطقة كلها متحرشين وكلهم ذئاب بشرية يا اما انتي جميلة اوي وتاعبة الناس معاكي ...عامة علي كل الاحوال ربنا يبعد عنك الاذي وعيون الذئاب البشرية