My stalker :(

من يومين في واحد استلمني أول ما خرجت من البيت، كنت رايحة الشغل الساعة 12 الضهر ويادوب مشيت خطوتين حسيت إن في حد ماشي ورايا، مديت شوية ووصلت للشارع الرئيسي، كنت باتكلم في التليفون فوقفت واتدورت، كان راجل كبير في السن وشكله مش طبيعي، هدا شوية ناحيتي كإنه اتفاجئ إني وقفت بعد كده عدا الشارع وأنا عديت بعديه عشان هوا ده طريقي. كنا ماشيين وسط جنايين كده فيها طريقين، لقيته بعد شويه مشي شمال عشان يقرب مني، أنا اترعبت ولفيت الجنينة تاني عشان أبعد عنه، وطلعت السلف ديفينس (اللي هو عبارة عن علبة سبراي فاضية، بس بتديني إحساس مفترض من الأمن، على أساس إن اللي قدامي مش هيعرف هو اترش بإيه بالظبط وكده) فضلت لحد ما ركبت الأوتوبيس بتلفت حواليا وكنت نازلة نفق مشاة خفت لحسن يكون مستنيني تحت، لكن الحمد لله غار.

قبل كده كنت متضايقة جداً إني بخاف وأنا في الشارع والمواصلات، اللي يهمس جنبي باترعب منه وأي حاجة تحصل بفسرها إن اللي قدامي بيتحرش بي، أصل اللي جرى لي مش قليل، بعد كده قلت الحمد لله إن أنا مصحصحة، ماحدش عارف كان إيه اللي حصل لو كنت مش مدية خوانة.

نقاب التخلف والوحشية

اللي لابس نقاب مش واحدة متغربة وسايبة بيتها ومدينتها عشان عايزة تروح تتعلم، اللي لابس نقاب هو اللي عايز يخبي عن المشكلة الحقيقية، والأخبار المقززة اللي ظهرت في اليومين اللي فاتوا:

توربيني جديد في الشرابية يعترف بانتهاك عرض 30 طفل

اتهام الشرطة المصرية بتعذيب أخو المتحدث باسم حركة حماس في غزة حتى الموت طبعاً

احنا آسفين يا حماس، آسفين يا أطفال مصر، أصل ربنا حيوقف المحجبة على باب الجنة ويسألها على وشها، لكن مش حيسأل عن أعراضكوا وحياتكوا

The Dark Side of Capitalism

A hair-raising account of the state of slaves (formerly known as workers) in Dubai.

Today's Must-Read

احنا وهما

امبارح فجأة افتكرت بنت كانت طلبت مني قبل كده أترجملها مقال كبير، بتاع عشر صفحات، عشان مكاتب الترجمة غالية والصفحة بسبعين جنيه، مش فاكرة اعتذرت ليه بالظبط بس غالباً كان عندي امتحانات أو بحث أقدمه.

مش عارفة ليه افتكرت الموضوع فجأة امبارح وضميري وجعني، مش يمكن لو كنت ساعدتها ماكنتش وقعت في الحالة المادية السيئة اللي أنا فيها دلوقتي؟ كان حيخسرني إيه إني أساعدها لوجه الله، كام ساعة ضاعت مني في فيلم رعب أهبل ولا في تظبيط بروفايل الفيسبوك أو في نوم زيادة، كان ممكن ألاقيلها وقت حتى لو اضطريت أتأخر عليها بس أنا اتغريت وطنشت ومافكرتش الغلبانة دي هتعمل إيه في دراستها، مش عارفة ليه بنلاقي وقت لكل التفاهات، ولما نيجي نساعد الناس وناخد ثواب عظيم الوقت فجأة يضيق والمسئوليات بتبان...

الرحمة يا شيوخ الفضائيات

ساعات باحس إن الشيوخ اللي بيطلعوا في التليفزيون دول مايعرفوش الناس عايشة إزاي وبيبصوا علينا كده بالتليسكوب، امبارح وماما بتقلب القنوات طلع شيخ مغمور على الأقل بالنسبة لي في قناة الناس بيقول لنا إن ربنا مش بينشر وباء في بلد إلا إذا انتشر فيها الفاحشة...عشان كده مصر انتشر فيها انفلونزا الطيور والخنازير, لأ وبيقول أكيد طبعاً عشان قلت كده هتقولوا علي متخلف ورجعي...

أنا قعدت أفكر يا ترى الفاحشة منتشرة بين مين ولاد الأبالسة دول عشان نموتهم يمكن ربنا يرفع عنا البلاء...وخلينا نتفق في الأول إن معنى الانتشار إن يكون 80% مثلاً على الأقل بيمارسوا "الفاحشة دي"...

لقيت إن 36% تقريباً سنهم يا إما تحت 14 سنة أو فوق 65 يعني في سن الضياع...أكتر من ربع المصريين يا إما كل همهم في البلاي ستيشن والأبلة اللي بتضرب العيال أو في المعاش اللي مش مكفي الأدوية والعيال اللي عايزين يتجوزوا ومش لاقيين فلوس.

طب مين بيرتكب الفاحشة؟

وكمان لقيت إن برنامج الأمم المتحدة الإنمائي بيقول إن 14 مليون مصري تحت خط الفقر، ده طبعاً غير الملايين من الموظفين والعمال اللي ماشيين جنب الحيط ومش طالبين غير الستر والعلاوة ومؤمنين بربنا أكتر من الشيخ اللي بيتهمهم بالفاحشة دون وجه حق ولا حتى علم.

مين اللي بيرتكب فاحشة في مصر؟

أكيد في، لكن هل الموضوع واصل لحد الانتشار وفقاً لمعملومات الشيخ الدقيقة؟ يعني هل مثلاً 7 أو 8 من كل 10 حضرتك تعرفهم بيمارسوا فاحشة؟

وهل اللي ماتوا من انفلونزا الطيور لحد دلوقتي كانوا بيمارسوا الفاحشة؟ دول كانوا فلاحين غلابة بيربوا الطيور في البيت عشان هو ده راس المال اللي حيلهم. طبعاً أنا ماكملتش إيه هي الفاحشة اللي الشيخ يقصدها، بس أكيد أكيد يقصد كمية البنات الرهييييييييييييييبة اللي مش محجبات وبيلبسوا بنطلونات، مش كده؟

أنا اللي أعرفه الآية القرآنية الحكيمة "ولا تزر وازرة وزر أخرى"، يعني ماحدش بيتعاقب بذنب حد تاني. يعني مش عشان في واحد فاحش عنده انفلونزا ركب الأصانصير قبليا قمت أنا اتعديت منه يبقى أنا فاحشة وأستاهل، لأ، ده ظلم، وربنا مابيظلمش حد.

يعني مش كفاية الحكومة بتسم بدنا كل يوم بتصريحات من نوع إن المصريين شحاتين عشان مستنيين الدعم وإن في مقابر جماعية مستنيانا لما نوصل بالسلامة...كمان تطلع لنا تتهمنا في شرفنا بالشكل ده، إرحمونا بقى.

Today's Must-Read

فاروق حسني واليونسكو...أصلها عزبة!

للنابغة جلال أمين.

ذكرى استشهاد محمد الدرة

Egyptian Ads prompt special treatment to "celebs"...

As if we do not face enough crap everyday, CocaCola has been broadcasting supposedly humorous advertisments in which several football players are ignored and mistreated the way most of us are (in cinemas and fast food restaurants of course, those chic people do not go to police stations or demonstrations).
So according to the ad logic, which millions see every day since the football championship started, the players should be well-treated and shown all due respect, just because they are famous, or rich, or talented, and not because they are Egyptian, or simply human.

حوادث تحرش في كأس العالم للشباب

حيث أن الفينزوليات عندهن كرامة والتحرش بهن جريمة يعاقب عليها القانون، الأمن تحرك لمنع التحرش بهن ولو بعد فوات الأوان...

عشان اللي يجي يتفسح في مصر ويدفع لكوا قرش واحد تأكلوا بيه عيالكوا يستاهل.

حاجة تقرف

Who's barbaric now?

When scores of armed forces and Jewish settlers attack the holy mosque as part of a religious celebration (!!), who is acting barbaric? The people defending their mosque or the ones with live ammunition? And when 16 Palestinians are wounded in the attack...what does it tell you about who the terrorists are?

وسط اتهاماتٍ لضباط أمن الدولة وضباط شرطة بأنهم وراء وفاته...

مش كفاية كده؟

أنا مش كافر...لكن

انا مش كافر

بس الجوع كافر

انا مش كافر

بس المرض كافر

انا مش كافر

بس الفقر كافر

والذل كافر

انا مش كافر

لكن شو بعملك

إذا اجتمعوا في كل الاشيا الكافرين

انا مش كافر

بس الجوع

انا مش كافر

بس المرض كافر

انا مش كافر

بس الفقر كافر

والذل كافر

انا مش كافر

لكن شو بعملك

إذا اجتمعوا فيي كل الاشيا الكافرين

يللي بصللي الاحد

يللي بصللي الجمعة

وقاعد يفلح فيناعلى طول الجمعة

يللي بصللي الاحد

يللي بصللي الجمعة

وقاعد يفلح فينا

على طول الجمعة

هو يللي دين قالو

أنا يللي كافر عال

راجعوا الكتب السمويي

راجعوا كلام القادر

انا مش كافر

بس الجوع كافر

بس المرض كافر

بس الفقر كافر

والذل كافر

انا مش كافر

لكن شو بعملك

إذا اجتمعوا فيي كل الاشيا الكافرين

انا مش كافر

بس البلد كافر

أنا مقبور ببيت

يمش قادر هاجر

وعم تاكللي الامي بتمي

وأكلك قدامك يا عمي

وإذا بكفر بتقللي كافر

معمع الدول الغربية

ومبلغ بكل المخافر

انا مش كافر

هيدا انت الكافر

انا مش كافر

ما دام انت الكافر

انا مش كافر

قلنا مين الكافر

وعرفوا مين الكافر

انا مش كافر

مثل ما عم قللك

عم بتحط فيي

كونك شيخ الكافرين

...

قول أمين

زياد الرحباني

********************

فكرتني بالتدوينة دي

Birthday Girl

Being pampered for one day in a year is more than enough =)

يا مسافر ومش راجع

اللي عايز يسافر ويهج من البلد هو حر، لكن ماتقعدش بقى تبكتنا وتطهقنا في عيشتنا وتقول آه يا بلد مليانة فساد وآه يا بلد مفيهاش قانون والكلام اللي يغم النفس ده.

حضرتك اخترت إنك تمشي عشان مش طايق يا حرام كمية الهباب اللي احنا فيه خلاص شيلنا من دماغك بقى...مش إنت دلوقتي في عز ونعيم والناس قلوبها بيضا بالظبط زي وشوشهم ومفيش جرايم ولا تسيب ولا انحلال أخلاقي ولا عنصرية ولا أي حاجة خالص؟

خلاص سيبنا بقى نصوت براحتنا على المدونات ونحاول نعمل اللي بيسموه أضعف الإيمان، مش أحسن من اللي عمال يتأمر وهو قاعد على وراكه؟

The Man Who Sold the World

And invented other forms of resistance.

أربعة مواقف قبل بدء عيد التحرش

الموقف الأول:
اليوم السابع نشرت خبر تحرش شاب بسيدة وهي بتصلي في الجامع.
تخيلوا؟
ده عشان اللي بيقولوا إن البنات اللي "لابسة عريان" هما اللي الشباب بيتحرش بيهم والملتزمات "في لبسهم" عمر أبداً أبداً أبداً ما حد بيبصلهم.
يعني يا ربي المكان الوحيد اللي الواحد بيحس فيه بالأمان ينجسوه؟

الموقف الثاني:
المدونة آسر ياسر عاملة جروب على الفيسبوك اسمه "أنا مش هاتحجب وإنت حتتأدب!" وده مش جديد، الجديد بقى إن الجروب اتقفل واتبعتلها رسايل تشتمها وتشتم اللي خلفوها وتخوض في أعراضها وأعراض عيليتها وهددوها إلخ.
السؤال هنا، إزاي حد ممكن يدعو للحجاب وفي نفس الوقت يسب الناس؟ هو مش الدين منظومة واحدة، ياناخدها كلها يا نسيبها كلها، مش ربنا قال إدفع بالتي هي أحسن، وسيدنا محمد (ص) قال ليس المؤمن بطعان ولا لعان ولا فاحش ولا بذئ، يا ترى اللي عنده الفكرتين المتناقضتين تماماً دول في مخه جابهم إزاي ومقتنع بيهم مع بعض إزاي؟ إذا كان بيقولوا إن المش محجبات سايبين جزء من الدين...أمال هما عاملين إيه؟
فين الدين النصيحة، وفين الدين المعاملة؟ وإزاي نستنى من واحدة بتتشتم عشان مش محجبة إنها تحب الحجاب أو تفكر تلبسه؟

الموقف الثالث:
الأهرام ناشرة النهاردة بالبنط العريض إن الداخلية ناشرة بوليس سري لعدم تكرار حوادث التحرش في العيد.
:))))))))))))))))
الخبر ده لو صحيح في ظباط هينفذوا وفي ظباط هيطنشوا، بس كل اللي بيحارب الوكسة دي كسبان، لإن أخيراً الجرايد ادت للموضوع حجمه وأخيراً في أفراد في الداخلية بقوا بياخدوا الموضوع بجدية، الموضوع كان نايم ودلوقتي بقى على كل لسان، وده في حد ذاته مكسب، عشان اللي مش بيديلك حقك لازم تاخده من حباب عينيه...

الموقف الرابع:
الشيخ صفوت حجازي طلع النهاردة في مع الشيخ محمد جبريل...وبيقول إذا كان اللي ماشية في الشارع شبه عريانة بتقول دي حرية شخصية، يبقى اللي بيعاكس برضو عنده حرية شخصية.
!!!!!!!!!!!!!
تيجي إزاي دي يا عم الشيخ؟ أولاً خلينا نتفق على نقطة، أنا ماشفتش في حياتي واحدة شبه عريانة غير على الشواطئ، ودي غلطة الفنادق إنها سايبة الموضوع على البحري مع إن أوروبا نفسها في شواطئ العري ممنوع فيها، فلما ييجوا هنا عشان يقلعوا تماماً يبقى إنت بتقوللهم إن مصر مافيهاش نظام ولا قوانين ولا يحزنون. وبعدين هي دي طريقة دعوى؟ إلبسي الحجاب يا إما أي حد يقفش فيكي براحته بقى؟ ده اسمه إرهاب فكري وبيمهد للإرهاب الفعلي بقى...المفروض البنات لما يسمعوا كلامك حيحبوا الحجاب إزاي؟ في الحالة دي حيلبسوه لمجرد إنهم خايفين لكن تصرفاتهم بقى أجارك الله يا شيخ يا محترم.
هو ده بقى اللي بتقولوه للناس في خطب الجمعة وخطبة العيد والأخطر في التليفزيون...لوم كامل للمرأة وكأن الله مأمرش بغض البصر والتحكم في الغرائز...إزاي واحدة عايزة تلبس قميص وبنطلون وتنزل تشتغل أو تشارك في مظاهرة أو تروح الجامعة أو تعمل خير تساويها بواحد صايع ضايع بينتهك حرمة الجسد وتقول عليه حر؟ هو مش أعراض الناس حرام؟ هو مش ربنا خلق المرأة لأسباب تانية كتييييييير غير إنها تتحجب وبس؟ يعني يا سيادة الشيخ لما نيجي نسأل بعد كده هو التحرش منتشر ليه نعرف إن إنت وأمثالك السبب؟

DSPD

It's when you are awake but your mind is sleeping. It's when you can see but not understand, hear but not listen, walk but collapse.
When you try to fool yourself that the four hours you spent rolling and crying yourself to sleep in bed are enough to get you going long enough, just long enough for the workday. When you try to enjoy the morning sun and wish you had been born a morning person, only the will of God could have changed this unalterable passion for night.
When you put plans and schemes to set your biological hour back in motion and think of sleeping in the afternoon but know it will keep you awake for the night, think of sleeping at their decent hour but know you will be surrounded by past failure and misery or a burning desire for him, think of sleeping before the dawn but know you will not be able to wake up for work, and not think about concentrating on anything because you already know it's a waste of time.
When you show up late for work and apologise, when you miss work and apologise again and again, when you beg and plead everyone not to think you're lazy or faking it. When you smell the coffee and listen to Coldplay in a desperate attempt to freshen up only to find the curtains being closed will you, nill you.

نكأت الجرح يا لورنس

المقال مش محتاج لتعليق لإنه كفاية قوي، وبيوجع قوي، بس الداخلية متحملة جزء كبير من المسئولية لعجزهم وتقعاسهم وتنطيشهم لحماية الناس عامة والبنات خاصة.

إيه القرف ده؟

هو اللي حنعيده حنفضل نزيده لحد إمتى بس عشان أبقى عارفة
اتفضلوا:
"لمي نفسك يا بنت بلدي" للقضاء على التحرش الجنسي
ده آخر جروب على الفيسبوك للدفاع عن التحرش الجنسي
ما هو اللي يدخل يقول أي بنت لابسة بنطلون وكات تستاهل يبقى بيدافع عن التحرش
واللي يقول اللي لابسة محتشم ماحدش بيبصلها يبقى كداب
لإن في حاجة اسمها غض بصر
وفي حاجة اسمها النظرة الأولى لك والثانية عليك
وفي حاجة اسمها المسلم من سلم المسلمون من لسانه ويده
وفي حاجة اسمها من حسن إسلام المرء تركه ما لا يعنيه
إشمعنى حافطين الآيات بتاعت الحجاب صم ومش حافطين الأحاديث دي؟
ده على اعتبار يعني إنهم بيتكلموا من وجهة نظر دينية
لكنهم لو فاهمين التدين صح مش حيفكروا بالطريقة دي
معلش علم في المتبلم يصبح فاهم
نقول تاني؟
قولوا ورايا
كل واحد حر في لبسه وربنا هو اللي حيحاسب الناس
لبس البنت مش بيدل بالضرورة على تدينها أو أخلاقها
اللي بيبص للبنات أو يتحرش بيهم لفظيا أو ينتهك أعراضهم مجرم مجرم مجرم
وحنوديهم السجن واحد واحد إن شاء الله
كل البنات بتتعرض للتحرش بدون تمييز
اللي بيشوف بنت بتتعرض للتحرش ويسكت أحسن له يغير كلمة "ذكر" اللي في البطاقة
ها فهمنا ولا لسة؟
يا مسهل